Closed season chhung hian Branch YMA te hian OB te khaihruaina hnuaiah  Group hran hran a inthen in nileng leh zankhuain Dialdawk lui leh Lunghmul lui te an veng thin dawn ani.

C.Lallianpuii DFDO, Aizawl chuan Sangha mantuten eizawnna kum hlun an nei neih theih nan leh Mizoram miputen kan lui sangha ngei ei tur kan neih reng theih nan te, kan lui sangha te hi Dan in a phal hun leh a phalna hmanrua ngei hmang chauh a man thin tur te, luia sangha man tur ten fishing license kan neih ngei ngei a ngai a ni, a ti.

"Dan zawm lo te chu The Mizoram Fisheries Act 2002 hmangin pawisa chawi leh lung In tan thlengin hrem theih an ni," a ti bawk.

Lengpui Branch YMA leh Lengpui Model Branch YMA te bakah, YMA Branch 27 dang ten Aizawl District chhung a lui hrang hrang an humhalhin an veng reng thin nia tarlan a ni bawk.